【產品實測】配搭最新 WiFi 6 無線路由器，解封 iPhone 11 極速 WiFi 速度！！

iPhone 11 推出咗一段時間，除咗硬件同鏡頭提昇外，亦嶄新支援最新 WiFi 6 (AX WiFi) 制式，究竟 WiFi 6 (AX WiFi) 同上一代 AC WiFi 有乜唔同？即刻嚟睇吓今次實測啦..

WiFi 6 (AX WiFi) 係乜嚟？

開始之前，我哋先講吓乜野係 WiFi 6 ...怕太複雜，睇唔明？咁我哋可以先嚟個簡單總結：WiFi 6 比上一代 WiFi 可傳輸多一倍數據，以及可用盡頻寬，同時為多部設備同時傳輸資料，減少網絡擠塞。

而家喺屋企越嚟越多設備需要連接上網，包括你手上嘅智能電話、平板電腦、手提電腦、智能電視、網絡攝錄機、語音助理、智能恆溫器等等..多樣設備同時上網會增加網絡負擔，互相拖慢大家嘅速度。新一代 WiFi 6 嘅推出就係為咗應付多設備同時上網嘅環境。

WiFi 6 運用最新技術(OFDMA)，可同時間為多部設備傳輸資料，有便於以往的 WiFi 技術，在單一時間只能為一部設備傳輸，大大提高傳輸效率。

WiFi 6 更支援 160MHz 頻寬，比之前80MHz多一倍，可以同時間傳輸多一倍數據，提昇傳輸速度。

iPhone 11 實測數據  速度提昇約 40%

講多無謂，睇圖最實際。iPhone 11 支援最新 WiFi 6 技術，即刻用佢嚟做測試。以下實測用咗一部 AC 路由器及一部 NETGEAR WiFi 6 路由器 RAX80 嚟做比較，家居1000M 寬頻，用同一部 iPhone 11，但兩隻唔同嘅 Router ，速度究竟有幾大分別？

▼iPhone 11 連接 AC 路由器 ，得出數據：下載618Mbps , 上載286Mbps

▼iPhone 11 連接 NETGEAR WiFi 6 路由器 - Nighthawk RAX80 ，得出數據：下載850Mbps , 上載307Mbps；下載速度提昇咗大約 40%

WiFi 6 將會更快普及  迎合智能家居

除 iPhone 11 外，現時 Samsung Note 10 及S10同樣支援 WiFi 6 ，嚟緊推出嘅電競手提電腦亦會開始支援 WiFi 6，預料WiFi 6將會比上一代無線技術更快過渡轉換期。此外， WiFi 6 支援2.4GHz 及5GHz頻段，並100%兼容上一代無線產品，率先升級 WiFi 6 路由器能夠享受更快速嘅網絡。

NETGEAR 多款最新 WiFi 6 無線路由器

美國著名網絡品牌 NETGEAR 嶄新推出多款 WiFi 6 無線路由器，由入門版到旗艦機種均有發售，能夠改善網絡容量以連接更多 WiFi 裝置、改進及提升智能家居性能，達至高容量、高速度、高效率且高覆蓋範圍「四高」的新一代標準。產品三年保養，信心保證。